» *NIRALI SAZA* «•

» *NIRALI SAZA* «•

Ek Sahabi Se Ramzan Sharif Ke Mahine May Roza Tut Gaya! Wo Bargah-A-Nabwi May Haazir Hue Aur Arz Kiya, Ya Rasoolallah! Maine Ramzan May Apni Aurat Se Nazdiki Ki! Main Halaak Hogaya! Farmayiye, Ab Main Kya Karoon?
Huzoor SALLALLAHU-ALAIHI-WASALLAM Ne Farmaya, Gulam Aazaad Ker Sakte Ho?

Arz Kiya, Nahi Ya Rasoolallah!

Farmaya, 60 Miskino Ko Khana Khila Sakte Ho?

Arz Kiya Nahi Ya Rasoolallah! Yeh Bhi Nahi Ho Sakta Hain!

Itne May Huzoor SALLALLAHU-ALAIHI-WASALLAM Ki Khidmat Kisine Kuch Khajooren Tohfe May Haazir Ki! Huzoor SALLALLAHU-ALAIHI-WASALLAM Ne Wo Saari Khajooren Us Shaks Ko De Di!
Farmaya, Kahin Khairaat Kerdo, Tumahra Kaffaara Ho Jayega!

Wo Bola, Ya Rasoolallah! Madine Bhar May Mere Alawa Koi Mohtaaj Nahi, Huzoor SALLALLAHU-ALAIHI-WASALLAM Yeh Baat Sunker Hasay, Yahan Tak Ki Dandane Mubarak (Daant) Aashkaar (Jaahir) Hue Aur Fir Farmaya!
"Ja! Apne Ghar Walon Ko Hi Khila De Tera Kaffara Ada Ho Jayega!"

>Bukhari Sharif Jild-1, Pg-360

******************************


*SABAK*
********

Kisi Sahabi Se Bath-Kazaye Bashriyat Agar Koi Lagjish Hoti Thi To Wo Fauran Iska Tadaruk Farmate Be-Parwahi Se Kaam Nahi Lete The! Muafi Keliye Wo Bargah-A-Nabwi Hi May Haazir Hote! Isliye Ki Inka Imaan Yeh Tha Ki Khuda Ki Khushnudi Isi Dar-Pak Se Haasil Ho Sakti Hain!

Yeh Bhi Malum Hua Ki Sahaba-A-Kiraam Ka Yeh Imaan Tha Ki Hamare Huzoor Maalik Wa Mukhtaar Hain! Shari-at Inih Ke Irshad Ka Naam Hain! Isliye Huzoor Ke Farmaan Per Gulam Aazaad Ker Sakta Hain 2 Mahine Ke Lagatar Roze Rakh Sakta Hain, 60 Miskino Ko Khana Khila Sakta Hain! Wo Sahabi Yahi Farmate Rahe Ki Nahi Ya Rasoolallah! Goya Inka Imaan Tha Ki Huzoor Kaffare Ki In 3no Kismon Ke Siwa Agar Chahe To Mere Liye Koi Chauthi Kism Ka Kaffara Irshad Farma Sakte Hain!

Chunanche Huzoor SALLALLAHU-ALAIHI-WASALLAM Bhi Apne Mukhtaar Hone Per Apni Moher-A-Tasdik Lagaker Farma Diya Ki Accha Jao Hum Tumahra Kaffara Yeh Mukarrar Farmate Hain Ki Bajaye Kuch Dene Ke Le Jao Aur Fir Jab Us Sahabi Ne Yeh Arz Kiya Ki Madina Bhar May Mere Barabar Koi Mohtaaj Nahi To Yun Farmaya, Ki Jao Khud Hi Kha Lo Tumahra Kaffara Ho Jayega!

Goya Jahan Saare Musalmano Keliye Roza Tutne Ka Kaffara Yeh Hain Ki Gulam Aazaad Keren Ya Mutawatir 60 Roze Rakhe Ya 60 Miskino Ko Khana Khilaye, Wahan Sirf Us Sahabi Kiliye Sarwar-A-Aalam SALLALLAHU-ALAIHI-WASALLAM Ne Kaffara Mukarrar Farmaya Ki Tumahra Kaffara Yeh Hain Ki Tum Bajaye Kuch Dene Ke Hamari Janib Se Le Jao! Bajaye Kisi Per Kharch Karne Ke Khud Hi Kha Bhi Lo! Yeh Hain Sarkar-A-Madina Ki Bargah-A-Be-Kas Panah!

Yeh Wahin Hain Jo Baksh Dete Hain!

Kaun Is Jurm Per Saza Na Karen!

Fir Jo Log Huzoor SALLALLAHU-ALAIHI-WASALLAM Ke Maalik Wa Mukhtaar Hone Per Shubha Karen Kis Qadr Nawafiq Hain!